ҚР Бас прокуратурасы елдегі тәртіпсіздіктерге байланысты «ауыр» және «аса ауыр» қылмыстар бойынша 695 сотқа дейінгі тергеуді бастады, деп хабарлайды almaty-akshamy.kz.
Бұл туралы ҚР Бас прокурорының аға көмекшісі Азамат Сарғазин орталық коммуникациялар қызметінде өткен брифингіде айтты.
«Ауыр және аса ауыр қылмыстар бойынша 695 сотқа дейінгі тергеп-тексеру басталды. Оның ішінде 44 - терроризм актілері бойынша, 15 – кісі өлтіру бойынша, 6 іс - насихаттау фактілері және билікті басып алуға шақыру бойынша. Күдікті ретінде 780 адам ұсталды. Оның 695-ін сот қамаққа алды. Бұл істердің ауыр және аса ауыр қылмыстар санатына жататынына тағы да назар аударығым келеді», - деді Бас прокурордың аға көмекшісі.
Бұған дейінгі брифингілердің бірінде Бас прокуратура төтенше жағдай режимі кезінде құқық қорғау өкілдерінің әрекетіне байланысты елдегі 32 арыз түскенін мәлім еткен болатын.