Ауыл шаруашылығы министрлігінің Қызылорда облысы Жер ресурстарын басқару департаментінің жоспардан тыс тексерісі нәтижесінде 900 гектар ауыл шаруашылығы жерлерінің ұзақ уақыт мақсатты пайдаланылмағаны анықталды.
Одан кейін ауыл шаруашылығы тауар өндірушісіне құқық бұзушылықтарды жою жөнінде міндеттеме берілген. Алайда қажетті шаралар қолға алынбаған, - деп хабарлайды Aqshamnews.kz.
Уәкілетті орган кәсіпкерді әкімшілік жауапкершілікке тартты.
Сонымен қатар, департамент жер телімін тартып алу туралы талаппен Арал аудандық сотына арызданды. Сот уәкілетті органның талаптарын толық қанағаттандырып, жер телімін мемлекет меншігіне қайтарды.
Сот шешімі заңды күшіне енді.