Бүгін Алматы әкімі Медеу ауданы тұрғындарымен кездесті.
Онда ауданның инженерлік игфрақұрылымын жаңғырту мәселелері айтылды, деп хабарлайды Almaty-akshamy.kz.
Биыл Елебеков (300 м), Горная (700 м), Батурин (1500 м) мен Бегалин (1700 м) көшелеріндегі су құбыры желілерін реконструкциялау 50% орындалды және Оңдасынов көшесіндегі кәріз желілерін (1,2 км) реконструкциялау аяқталды.
"Думан" шағынауданында 1800 куб метрге 2 резервуар мен сорғы станцияларын реконструкциялау жұмыстары жалғасуда. Жұмыстардың аяқталуы – 2023 жылдың ІІІ тоқсаны.
Келесі жылдың II тоқсанынан бастап "Көлсай" (2,8), "Сұлусай" (16,9), "Компот" (25), "Кеңсай" (14,2) шағынаудандарында (Шоқай мен Сәрсенбаев көшелері) және Халиуллин көшесінде (3,8) жалпы ұзындығы 62,7 км (сумен жабдықтау – 25,8 км және кәріз – 47,5 км) су құбыры мен кәріз желілерінің құрылысын бастау жоспарланған.
Сонымен қатар, 2023 жылдың II тоқсанында "Каменское плато" шағынауданында сумен қамту және су бұру желілерін (28,9) салу жобасын түзетуді аяқтау көзделген (құрылыс материалдарының қымбаттауына, таулы жер бедерінің ескерілмеуіне және кей жерлерде инженерлік дәліздің болмауына байланысты түзету жүргізілуде).
Келесі жылдың ІІ тоқсанында "Думан" шағынауданында (81 үй) су құбыры мен канализация желілерін (14 км) салу үшін жобалау-сметалық құжаттаманы әзірлеу аяқталады.