Екі мыңнан аса құстың өлексесі табылған.
Биылғы жылдың 26 маусымында «Ақжайық» мемлекеттік табиғи резерватының территориясында мекеме инспекторлары құстардың қырылу фактісін анықтады, деп хабарлайды Almaty-akshamy.kz ҚР Экология, геология және табиғи ресурстар министрлігінің Telegram каналына сілтеме жасап.
Аймақты тексеріс кезінде мыңнан астам үлкен қарқылдақтың, 1200-ден астам қылаң қарабас шағаланың және үш жүз өгіз шағаланың өлексесі тіркелді. Аталған түрлердің ішінде қылаң қарабас шағала құсы Қазақстанның Қызыл кітабына енгізілген.