Жамбыл облысында асырап алған ұлын өлтірді деген күдікпен 35 жастағы ер адам ұсталды, деп хабарлайды aqshamnews.kz тілшісі.
Алдын ала мәліметке сәйкес, 10 жастағы бала қатты соққыға жығылғаннан кейін көз жұмған. Қайғылы оқиға Талас ауданында болған.
Белгілі болғандай, бұл отбасы Жуалы ауданында тұрады және тағы төрт асырап алған баланы тәрбиелеп отыр. Оқиға кезінде олардың Талас ауданында болғаны анықталды. Қазіргі таңда тергеу тобы отбасының басқа ауданда болу себептерін анықтап жатыр.
Қазір күдікті қамауға алынған. Алайда тиісті органдар бұл іске қатысты ресми түсініктеме беруден бас тартты.