Астана қаласының Бас мемлекеттік санитар дәрігері Айгүл Шағалтаева қызылша бойынша эпиджағдайды талдап, вакцинацияны күшейту және қалалық штаб отырыстарын апта сайын өткізу жөнінде бірқатар тапсырма берді, деп хабарлайды Aqshamnews.kz тілшісі.
Берілген тапсырмалар қатарында:
-
18 жасқа дейінгі балалар мен жасөспірімдердің екпе қамтылуын талдап, келісім алынғаннан кейін екпе алмағандарға қосымша иммундау жүргізу;
-
55 жасқа дейінгі медицина қызметкерлерінің вакцинация мәртебесін тексеріп, екпесі жоқ немесе белгісіздерге келісімімен вакцина салу;
-
келісімнен кейін 6 айдан 10 ай 29 күнге дейінгі балаларға қосымша екпе егу;
-
1 және 6 жастағы нысаналы топтарды қызылша-қызамық-паротитке қарсы екпемен оңтайлы деңгейде қамту;
-
жоспарлы түрде ауруханаға жатқызылатын балаларды қызылшаға қарсы екпесі болған жағдайда ғана қабылдау;
-
қызылша мәселесі бойынша әкімдік жанындағы қалалық штаб отырыстарын апта сайын өткізу.
Бас санитар дәрігердің мәліметінше, соңғы үш аптада қалада 403 адамнан қызылша анықталған, олардың 96%-ы 14 жасқа толмаған балалар.