Үндеушілер өнеркәсіпті дамыту туралы петицияны қолдайтындарын және халық пен Үкіметті Қазақстанды индустрияландыру бағытын ұстануға шақыратындарын айтты.
“Астана Моторс” құрамына кіретін Hyundai Trans Kazakhstan, Hyundai Trans Almaty зауыттарының, салынып жатқан мультибрендті Astana Motors Manufacturing Kazakhstan зауытының және автокомпоненттер технопаркінің қызметкерлері Қазақстан Республикасы халқы мен Үкіметіне үндеу жасады, деп хабарлайды Almaty-akshamy.kz.
Үндеуінде олар автокөлік өнеркәсібін дамыту, өндірісті кеңейту, автокөлік бөлшектерінің индустриалды паркін және жаңа автокөлік зауыттарын салу жоспарлары туралы айтты.
Сонымен қатар зауыт қызметкерлері жалпы инженерлік және машина жасау қызметкерлерінің еңбек жағдайы мен даму перспективалары туралы да сөз қозғады.