Қорғаныс министрілігі өңірдегі инженерлік оқ-дәрі қоймасындағы ахуалға қатысты түсініктеме берді, деп хабарлайды almaty-akshamy.kz ведомствоның баспасөз қызметіне сілтеме жасап.
2021 жылдың 26 тамызы күні сағат 19:00-де Байзақ ауданында орналасқан әскери бөлімшеде өрт шыққан. Өрттің алғашқы минутынан бастап дабыл бойынша әскери бөлімшенің өрт сөндіру командалары көтерілді, олар шынжыр табанды және дөңгелекті техникамен өртті сөндіруге кірісті.
Жамбыл облысы ТЖД өрт сөндіру топтары шақырылды. Өрттің шығу себептері әлі анықталмады. Жалын тез арада оқ-дәрі сақталған қоймаларға қарай өтті. Инженерлік оқ-дәрілер – бұл табиғи (жартастар, таулар) және қолдан жасалған (ғимараттар, құрылыстар) әртүрлі нысандарды жаруға арналған.
Оларды жаудың техникасы мен жұмыс күшін жару үшін де қолдануға болады. Олар: қопарғыш, фугас, жаяу әскерге қарсы және танкіге қарсы миналар, тротил және басқа да жарылғыш заттар.