Өкілдік жүйесін жетілдіру заң шығару үдерісін анағұрлым ашық етеді, деп хабарлайды деп хабарлайды Aqshamnews.kz.
Қазақстан Республикасы Құрылтайы депутаттарының алдағы сайлауы халықаралық сарапшылар қауымдастығы тарапынан оң бағасын алды. Мамандардың пікірінше, елімізде жүргізіліп жатқан саяси реформалар демократиялық институттардың дамуына, азаматтардың мемлекеттік басқаруға қатысу мүмкіндіктерінің кеңеюіне және қоғамның сенімін нығайтуға ықпал етеді.
Сарапшылардың айтуынша, өкілдік жүйесін жетілдіру заң шығару үдерісін анағұрлым ашық етеді, сондай-ақ елдің дамуына әсер ететін шешімдерді қабылдауға азаматтардың қатысуына қосымша мүмкіндіктер береді.
Бұл туралы Орталық Азия қорының директоры, MERI университетінің Халықаралық зерттеулер орталығының жетекшісі Рамакант Двиведи өз пікірін білдірді.
«Қазақстан Құрылтайына өтетін алдағы сайлау азаматтардың өз өкілдерін тікелей сайлауы арқылы демократиялық басқаруды нығайтудың маңызды кезеңіне айналады. Қазақстандықтар өз елінің болашағын қалыптастыруға тікелей қатысу мүмкіндігіне ие болады. Реформаның практикалық артықшылықтары заң шығару үдерісін оңтайландыруда және артық бюрократиялық рәсімдерді қысқартуда көрініс табады. Соның нәтижесінде өкілді органның қызметі ашық, қолжетімді әрі азаматтардың мүддесіне бағытталған болады», — деді Рамакант Двиведи.
Еске салайық, Қазақстан Республикасы Құрылтайы депутаттарының сайлауы 2026 жылғы 23 тамызда өтеді.