Білім саласының сарапшысы, экс-министр Асхат Аймағамбетов соңғы жылдары еліміздегі білім беру саласында жасалған реформалар туралы пікір білдіріп, жаңа мектептердің ашылуын болашаққа салынған инвестиция деп бағалады.
"Осыдан алты жыл бұрын мұғалімдердің жалақысы екі-үш есеге өседі, бастауыш сынып оқушылары тегін ыстық тамақпен қамтылады, қарапайым жұмысшы мамандық иелері Ақордадан мемлекеттік марапат алады, Ұлттық қордың қаражаты барлық балалардың шотына аударылады десе, көпшілік бұған сенбес еді. Бірақ заман өзгерді. Президент Қасым-Жомарт Тоқаев бұл бағыттарды көрсетіп қана қойған жоқ, оған апаратын нақты жолды салып, іске асырды," – деді ол.
Асхат Аймағамбетовтың айтуынша, білім саласына жасалған инвестиция – елдің тұрақты дамуының кепілі. Әр жаңа мектеп – жас ұрпақты тәрбиелейтін, олардың болашағын қалыптастыратын маңызды мекеме.