Ақтөбе прокуратурасы психикалық денсаулық орталығының қылмысын әшкереледі, - деп хабарлайды aqshamnews.kz тілшісі.
Прокуратура мәліметінше, зерттеу барысында есірткіге тәуелді деп есептелетін 205 адамның қайтыс болғаны немесе басқа өңірлерге көшіп кеткеніне қарамастан, орталықтың есебінен шығарылмағаны анықталды.
"Алайда бұл тұлғалардың еміне негізсіз түрде 2,5 млн теңге бюджет қаражаты бөлініп, орталықтың есепшотына аударылған. Прокурорлық қадағалау актісі бойынша бюджет қаражаты кері қайтарылып, 6 лауазымды тұлға тәртіптік жауапкершілікке тартылды", - деп хабарлайды прокуратура.
Прокуратура органдары денсаулық сақтау саласындағы заңдылықты қамтамасыз ету және бюджет қаражатын ұтымды пайдалану бағытында жүйелі жұмыстарды жалғастырып жатыр.