Әлеуметтік желілерде Ақтөбе қаласындағы мектептерде қылмыс жасалуы мүмкін деген ақпарат тарады. Осыған байланысты облыстық Полиция департаменті ресми түсініктеме берді, деп хабарлайды Аqshamnews.kz тілшісі.
Полиция бұл мәліметтің шындыққа жанаспайтынын атап өтіп, терроризм актісі туралы көрінеу жалған ақпарат тарату фактісі бойынша сотқа дейінгі тергеп-тексеру басталғанын мәлімдеді.
Құқық қорғау органдары ақпаратты таратқан тұлғаларды анықтау үшін жедел шаралар қабылдап жатыр. Күдіктілер жақын уақытта табылып, Қазақстан заңнамасына сәйкес жауапқа тартылатыны хабарланды.
Сонымен қатар, білім беру ұйымдарындағы қауіпсіздік шаралары күшейтілді:
-
мектептердегі бейнебақылау жүйелерінің жұмысы мейлінше бақылауға алынды,
-
оқу орындары маңында полиция жасақтарының саны артты.
«Азаматтарды жалған ақпаратқа сенбеуге және тек ресми дереккөздерге жүгінуге шақырамыз», – делінген облыстық ПД ресми хабарламасында.