«Болашақ» бағдарламасы бойынша АҚШ-тың Джордж Вашингтон университетінде білім алып жатқан студенттер қазақстандықтарды сайлауға белсене қатысуға шақырды.
Олар бұл челленджді басқа да университеттерге жолдады, деп хабарлайды Almaty-akshamy.kz.
Жастар кеше ғана аяқталған Конгрестің аралық сайлауындағы халық белсенділігін көріп тәнті болған. «Ел болашағына бей-жай қарамайтын әр азамат саяси науқанға белсенді түрде ат салысуы керек», - деп есептейді олар.
«Құрметті қазақстандықтар! Біз, Дж. Вашингтон универсиитетіндегі білім алушылары сіздерді 20 қарашада өтетін, еліміздің тағдырына тікелей әсер ететін саяси науқан, ел Президентін сайлауға белсене қатысуға, дауыс беруге шықарамыз. Осы челленджді басқа да университеттерге жолдаймыз», - дейді АҚШ-та білім алып жатқан студенттер.