Ақмола облысы Целиноград ауданына қарасты Ключи және Аққайын ауылдарының маңында 4 ер адам мен 2 бала қиын жағдайға тап болды, – деп хабарлайды aqshamnews.kz тілшісі.
Олардың жеңіл көлігі қалың батпаққа батып кеткен.
Еріген қар жолдарды жүруге қиын учаскелерге айналдырып, өз бетінше шығу әрекеттері нәтижесіз болды.
Оқиға орнына құтқарушылар жедел жетіп, қиын жол учаскелерінен өтіп, көліктерді тауып, адамдарды эвакуациялады.
Құтқарылғандар жақын маңдағы елді мекенге жеткізілді. Медициналық көмек ешкімге қажет болған жоқ.