Күйзеліспен күресу үшін сарапшылар спортпен шұғылданып, өзіне күтім жасауға шақырады.
АҚШ дәрігерлері терінің саулығын сақтап, жас көрінуге мүмкіндік беретін бес тәсілді атады. Бұл туралы Eat This, Not That! басылымы жазды, деп хабарлайды Almaty-akshamy.kz
Адамның өзін жақсы сезініп, жақсы көрінуі үшін теріні артық күн сәулесінен міндетті түрде қорғау керек, дұрыс тамақтануды ұстанып, темекі шекпеген жөн, спортпен жиі шұғылданып, күйзелісті жеңе білуді үйрену керек.
Дәрігер Тодд Кохтың айтуынша, күйзеліс - адамның өз жасынан үлкен көрінуіне әкелетін себептердің бірі. Себебі оның салдарынан тері жасушалары бұзылып, нәтижесінде ол тонусы мен иілгіштігін жоғалтады. Күйзеліспен күресте мамандар спортпен шұғылдануға және адамның өзіне көбірек күтім жасауына шақырады.
Дәрігер Клэр Чан ультракүлгін сәулесінің шектен тыс әсері тері жамылғысының зақымдалуына, меланиннің көп бөлінуіне және шамадан тыс пигменттенуге әкелетінін еске салды. Одан бөлек, күн сәулесі терінің ерте қартаюына да әкелуі мүмкін. Чан теріні күннен қорғауды барынша ертерек қолға алуға кеңес берді. Жас күніңізден теріңізді күтсеңіз, бұл жас қалпыңызды сақтауға мүмкіндік береді.
Ал дерматолог Донна Харт темекінің зияны туралы айтты. Шылым тарту да теріге тікелей әсер етеді. Табак өнімдері адам терісінің өз түсін жоғалтуына, құрғақтыққа және терінің босауына әкеледі.
"Темекіні қойған адамда бірнеше айдың ішінде С дәрумені бөлініп, коллагендер да қалыпқа келе бастай . Терең емес әжімдер бұдан кейін өздігінен жойылады", - деп атап өтті Харт.
Денеге арналған шынықтыру жаттығуларын үнемі жасау да ағзаны жасартуға әкеледі. Дерматолог Дэвид Бэнкстің айтуынша, денеге түскен күш кислород пен дәрумендердің адамның дене мүшелеріне жылдам жетуіне мүмкіндік береді.