Алматының Алатау ауданындағы 8 шағын ауданында жаңа трансформаторлық қосалқы станциялар пайда болады
Алатау ауданын тұрақты электрмен жабдықтаумен қамтамасыз ету үшін өткен жылы «АЖК» АҚ 42,4 км электр желілерін реконструкциялады және Шаңырақ ш/а-дағы 12 трансформаторлық қосалқы станция жөнделді. Бұл туралы Алматы қаласының әкімі Ерболат Досаев аудан тұрғындарымен кездесу барысында мәлімдеді.
2025 жылы «АЖК» АҚ 11 шағын ауданда («Шаңырақ-1, 2», «Әйгерім-1, 2», «Ұлжан-1, 2», «Ақбұлақ», «Алғабас», «Теректі», «Өжет» және «Қарасу»), сондай-ақ 64 ТП және 6 қосалқы станцияны күрделі және ағғымдағы жөндеуден өткізу жоспарлануда. Электр желілерін жаңарту ағымдағы жөндеу аясында 170 км және күрделі жөндеу аясында 28,5 км-ді қамтиды.
2025 жылдың соңына дейін 73,5 км иесіз электр желілерін қайта жаңарту және 8 шағын ауданда (Алғабас, Теректі, Шаңырақ, Ұлжан, 14-ші аумақ, Өжет, Самғау және Шапағат) 33 ТП орнату аяқталады.
Ерболат Досаевтың айтуынша, ауданда сапалы сыртқы жарықтандырумен қамтамасыз ету бойынша белсенді жұмыстар жүргізілуде. Мәселен, 2024 жылы 55 көшеде 16 км кабель желілері мен 600 көше шамдары ауыстырылды.
«2025 жылдың мамыр айында біз Алатау ауданының 255 көшесі мен қоғамдық орындарын жарықтандыру бойынша ауқымды жобаны іске асыруға кірісеміз. Жұмыс аясында 2,9 мың тірек пен 3,5 мың шам орнатылады», - деді әкім.
Айта кетейік, қалада инженерлік желілерді жаңғырту және реконструкциялау бойынша кешенді шаралар белсенді қабылдануда. Осылайша, қабылданып жатқан шаралар 2025 жылы электрмен жабдықтау желілерінің тозуын 63,3% - ға дейін төмендетуге мүмкіндік береді.