26 сәуірде қала тұрғындары арасында Президенттік тесттер бойынша чемпионат өтті.
Орталық стадионның қосалқы алаңында өткен спорттық шара Алматы қаласы Спорт басқармасы мен «Алматы қаласының Президенттік көпсайыс және теңіз спорт түрлері федерациясының» қолдауымен ұйымдастырылған.
Спорттық бәсекеге тоғыз жастан жоғары мектеп оқушыларынан тартып, жетпістен асқан ардагер спортшыларды қамтыған мыңнан астам алматылық қатысты.
Байқау бағдарламасы бойынша қатысушылар 30, 60 және 100 метрге жүгірді, орынынан ұзындыққа секірді, сондай-ақ турникке тартылды және 500 және 1000 метр қашықтыққа жүгірді.
Жарысқа қатысқандардың бірі, 62 жастағы Сергей Конных өз әсерімен бөлісті.
- Мен үшін бұл жарыстар — тек физикалықтық форманы сынау емес. Бұл рух мерекесі, өзіңді ұлы спорттық отбасының бір мүшесі сезіну және жас тек сан екенін дәлелдеу мүмкіндігі. Ең бастысы — қозғалыста болу және өз күшіңе сену! - деді Сергей Конных.
Жарыстың ең жас қатысушысы, 9 жастағы София Цехоцкая іс-шара көңілінен шыққанын айтты.
- Маған жүгіру, секіру сынды спорт түрлері қатты ұнайды. Өзімді нағыз спортшыдай сезіндім. Әлі де жаттығу жасап, келесі жолы жеңіске жеткім келеді, - деді ол.
Жеңімпаздар мен жүлдегерлер әр жас санатында ерлер және әйелдер арасында жеке нәтижелер бойыншы анықталды.
