«Заң мен Тәртіп» әлеуметтік жобасын іске асыру аясында Алматы қаласы Ішкі саясат басқармасының Қоғамдық даму орталығы Қазақ ұлттық аграрлық зерттеу университетінде студент жастардың құқықтық және цифрлық сауаттылығын арттыруға бағытталған кездесу ұйымдастырды, – деп хабарлайды aqshamnews.kz тілшісі.
Студенттердің құқықтық сауаттылығы артты
Іс-шараға 200-ден астам студент қатысып, заң талаптарын сақтау, құқықтық мәдениетті қалыптастыру, құқық бұзушылықтардың алдын алу және цифрлық ортадағы қауіпсіздік мәселелері бойынша ақпарат алды.
Спикерлердің баяндамалары
Кездесуде әл-Фараби атындағы Қазақ ұлттық университетінің заң ғылымдарының профессоры Кегембаева Жанар Аманжанқызы және Алматы қаласы Полиция департаменті Есірткі қылмыстарына қарсы іс-қимыл басқармасының полиция подполковнигі Көбеев Дәурен Асқарұлы баяндама жасады.
Спикерлер құқықтық нормаларды сақтау, заң алдындағы жауапкершілік, құқық бұзушылықтардың алдын алу, сондай-ақ жастардың цифрлық кеңістіктегі қауіпсіз мінез-құлқын қалыптастыру мәселелеріне тоқталды.
Сонымен қатар студенттердің құқықтық сипаттағы өзекті сұрақтарына жауап беріп, қажетті түсіндірмелер ұсынды.
Кездесудің мақсаты
Кездесу жастардың құқықтық санасын арттыруға, заң талаптарын құрметтеу мәдениетін қалыптастыруға және азаматтық жауапкершілігін нығайтуға бағытталды.
Оқи отырыңыз: Алматыда 400-ге жуық оқушы тоғызқұмалақпен кәсіби түрде айналысады