Алматының Орталық қалалық клиникалық ауруханасына 4-дәрежелі деформацияланатын артрозы және тұрақты аралас контрактурасы бар науқас түсті. Оның аяқ-қол буындары ұзақ жылдар бойы қозғалмаған. Сол аурудың азабын 9 жыл бойына тартып, оң аяғын мүлдем соза алмаған.
Иә, 4-дәрежелі артроз оның тізе буынының қалыпты жұмысына кедергі келтірген. Науқас үшін бір қадам жасаудың өзі мұңға айналыпты.
ОҚКА травматология және ортопедия бөлімінің меңгерушісі Қанат Тәуекелов науқасқа тізе буынын толық эндопротездеу отасын жасауды ұсынды. Сөйтіп бір мезгілде артқы бұлшықет топтары босатылды, бұл аяқты толығымен түзетуге мүмкіндік берді. Күрделі ота МӘМС пакеті шеңберінде жасалды.
– Біз жұмысы бұзылған буынды жасанды буынға ауыстырдық және бір уақытта бұлшықетті шығардық, буынды бүгілген күйде ұстайтын тұрақты контрактураны жойдық. Осылайша біз аяқтың қозғалғыштығын қалпына келтірдік. Ота сәтті өтті, – дейді Қанат Тәуекелов.
Сәтті отадан соң науқас 9 жылдан кейін алғаш рет аяғын жазып, ерекше қуанды.
– Аяғым 2005 жылдан бастап ісіне бастады. Оны өз бетімше жылыту жастықшасымен қыздырдым. Өйткені "буындар жылуды жақсы көреді" дегенді естігенім бар еді. Бірақ аяғым одан жақсармады. Ұзақ жылдар адам төзгісіз ауырсынулардан жаным қиналып кетті, тек ауырсынуды басатын дәрілермен өмір сүріп келдім. Міне, дәрігерлердің арқасында аяғымды тең басып, жаным да жадырап қалды, – дейді ота жасалған науқас.