Әлеуметтік желілерде алматылық жасөспірімдердің көше бойымен өтіп бара жатқан қоғамдық көліктерге қар лақтырған сәті түсірілген видео жарияланды. Полиция қызметкерлері бұзақылардың жеке басын анықтауға тырысып жатыр, деп хабарлайды aqshamnews.kz
Оқиға Төле би мен Әуезов көшелерінің қиылысында орын алған. Жігіттер әрбір өткен автобусқа қар лақтырып, нысанаға дәл тигізуге тырысты. Бір сәтте, тіпті, қар лақтырмақшы болған жасөспірімнің бірі телефонын жерге түсіріп алды.
Бұл әрекет жігіттер үшін көңілді ойын болғанымен, куәгерлер балалардың бұл әрекетін камераға түсіріп, қарсылық білдірді.
Жергілікті полиция қызметі қазіргі уақытта тексеру жұмыстарын жүргізіп жатыр. Жасөспірімдердің жеке басы анықталғаннан кейін Қазақстан Республикасының заңнамасына сәйкес шаралар қолданылатыны хабарланды.