Алматы қаласында жалпыұлттық коалиция мүшелерінің “Беккер и К” компаниясының қызметкерлерімен кездесуі өтті, - деп хабарлайды Aqshamnews.kz.
Іс-шара барысында қатысушылар елдегі конституциялық реформанының маңызын түсіндіріп, қызметкердердің сұрақтарына жауап берді. Жиынға спикер ретінде:Сабен Тынышқали - AMANAT партиясының Бостандық аудандық филиалының төрағасы; Ахатов Уалихан - Әл-Фараби атындағы Қазақ ұлттық университеті өкілі; Карибжанова Роза - қоғам қайраткері қатысты.
Ахатов Уалихан, жаңа Конституция жобасының маңызына тоқталып, ұсынылып отырған өзгерістердің елдің саяси жүйесін жаңғыртуға бағытталғанын атап өтті.
-“ Бұл бастама соңғы бір-екі айдың немесе қысқа мерзімнің жұмысы емес. Конституциялық реформаны әзірлеу процесі ұзақ уақыттан бері жүргізіліп келеді. Осы уақыт ішінде еліміздің түрлі өңірлерінде талқылаулар өтіп, электронды платформалар арқылы азаматтардан мыңдаған ұсыныстары түсті. Бұл реформаның басты ерекшелігі – халықтың тікелей қатысуы. Сонымен қатар, құрылымдық өзгерістер қарастырылып отыр. Атап айтқанда, екі палаталы жүйеден бір палаталы парламентке көшу ұсынылуда. Жаңа палата 145 депутаттан тұрады. Бұл - заң шығару процесін оңтайландырып, халықтың үнін тікелей жеткізуге мүмкіндік береді. Конституция – мемлекеттің негізгі құжаты. Біз осы құжатпен өмір сүреміз, елдегі ішкі және сыртқы саясаттың барлығы соған негізделеді. Сондықтан оған ерекше жауапкершілікпен қарау қажет, – деді.
Қорытындылай келе, кездесу барысында жаңа Конституция жобасының ел дамуы үшін маңызы кеңінен түсіндіріліп, қатысушылар ұсынылып отырған реформаларды қолдайтындарын білдірді.