8 наурыз – Халықаралық әйелдер күніне орай Алматы қаласы бойынша ҚАЖД-ға қарасты №72 мекемесінде шаруашылық жасағындағы сотталған әйелдерге арналған ерекше мереке ұйымдастырылды, деп хабарлайды aqshamnews.kz.
Мереке күні сотталған әйелдер өз өнерлерін ортаға салып, мекеменің тәрбие бөліміндегі қыз-келіншектерді көктемнің шуақты мерекесімен құттықтады. Салтанатты жиында мекеме жасақ бастығы М. Ибраимолдаев құттықтау сөз сөйлеп, мерекенің маңыздылығын атап өтті.
- Қымбатты қыз-келіншектер! Әйел – әр отбасына бақыт сыйлайтын жан. Сіздер бар жерде береке мен бірлік бар. Ал бірлік бар жерде тірлік болатыны сөзсіз. "Адасқанның айыбы жоқ, қайтып үйірін тапқан соң" деген сөз бекер айтылмаған. Сондықтан бүгін жазалы болып жүрген аналар мен арулардың тезірек еркіндікке шығып, қоғамға пайдалы іспен айналысуларына тілектеспін. Құрметті аналар мен арулар, шаңырақтарыңызға шаттық, өмірлеріңізге бақыт тілеймін, – деді М. Ибраимолдаев.
Сонымен қатар мереке барысында мекемедегі мәдени-тәрбиелік іс-шараларға белсене қатысқан қыз-келіншектер мекеме бастығының марапатына ие болды. Мереке соңында сотталғандардың күшімен дайындалған концерттік бағдарлама ұсынылып, қатысушыларға ерекше көңіл-күй сыйлады.