Тазарту жұмыстары аяқталған соң, көл аумағы абаттандырылады.
Алматыдағы Сайран көлінің ұлтанын шөгінділерден тазарту жұмыстары жүріп жатыр, деп хабарлайды Аlmaty-akshamy.kz
«Механикалық тазарту жұмыстары мамыр айының соңына дейін аяқтау көзделген. Көл ұлтаны мен жағалауды қоқыстан, батпақ пен қамыстан тазартуға 4 төрт экскаватор, 30 самосвал және 10 жұмысшы жұмылдырылған. Жұмыс басталғалы бері 710 рейс жасалды, 11 350 текше метр лай тазартылды, жұмыстарды ағымдағы жылдың мамыр айының соңына дейін аяқтау жоспарлануда», - деп жазды Экология және қоршаған ортаны қорғау департаментінің басшысы Серік Әділбаев.
Департамент берген мәліметтерге сәйкес, тазарту жұмыстары аяқталған соң көл аумағы қайта жаңғыртудан өтіп, абаттандырылады.
Көлдің аумағы 50 гектар. Су қоймасы 1971 жылы салынған. Содан бері мұнда ауқымды жөндеу жұмыстары жүргізілмеген.