Сауда алаңдары ашылған сәттен бастап қала тұрғындары арасында үлкен сұранысқа ие болды, деп хабарлайды aqshamnews.kz тілшісі.
Бүгін Алматыдағы сайлау учаскелерінің жанында дәстүрлі түрде мектеп және азық-түлік жәрмеңкесі ұйымдастырылды. Сауда алаңдары ашылған сәттен бастап қала тұрғындары арасында үлкен сұранысқа ие болды. Тұрғындар сайлауға қатысуды жаңа оқу жылына қажетті жаңа өнім, көкөніс, жеміс-жидек, нан-тоқаш өнімі мен мектепке керек-жарақтарды сатып алумен ұштастырып жатыр.
Жетісу ауданында жәрмеңке №148 және №101 гимназиялардың, Мәдениет үйі мен №177 орта мектептің жанында өтіп жатыр. Мұнда қала тұрғындары сайлау учаскесіне баруды үй мен отбасыға қажетті заттарды сатып алумен қатар алып жүр. Алатау ауданында сауда алаңдары №30, №35 және №20 сайлау учаскелерінің жанында жұмыс істеп тұр.
Наурызбай ауданында тұрғындар кеңсе тауарлары мен мектепке қажетті керек-жарақтарды белсенді сатып алуда. Жәрмеңке №174 мектеп-гимназия мен №538, №577, №649 және №684 сайлау учаскелерінің, сондай-ақ №214 мектеп пен №625, №679, №680, №681 және №682 учаскелерінің жанында ұйымдастырылған. Мектеп жәрмеңкесі сағат 19:00-ге дейін, ал аспаздық өнімдер сатылатын орын дауыс беру аяқталғанға дейін жұмыс істейді.
Алмалы ауданындағы жәрмеңке де жұмысын жалғастырып жатыр. Сауда алаңдары Арбатта, №147 орта мектептің, Қазақ спорт және туризм академиясының және «Целинный» заманауи мәдениет орталығының жанында ұйымдастырылған. Мұнда тұрғындар нан-тоқаш өнімдерін, жаңа піскен бәліштерді, алма мен басқа да жеміс-жидектерді сатып ала алады. Күні бойы сауда қатарларында сатып алушылар легі толастаған жоқ.
Әуезов ауданында онға жуық жәрмеңке ұйымдастырылған. Олар мектептер мен оқу орындарында орналасқан сайлау учаскелерінің жанында, соның ішінде №5, №1, №111, Қ. Яссауи атындағы №123, №153 және №202 мектеп-гимназиялардың, сондай-ақ №122 және №117 мектептердің, Халықаралық көлік-гуманитарлық университетінің және Алматы технологиялық колледжінің жанында өтіп жатыр. Тұрғындар дауыс бергеннен кейін күнделікті бағытын өзгертпей-ақ қажетті заттарын сатып ала алады.
Түрксіб ауданында да жәрмеңке белсенді өтіп жатыр. №456 сайлау учаскесінің жанында мектепке қажетті керек-жарақтар, жергілікті өндіріс өнімдері мен нан-тоқаш өнімдері ұсынылған. №460 учаскеде жергілікті өндіріс өнімдері сатылып жатыр. №421 учаскеде көкөніс пен жеміс-жидек ұсынылған ауыл шаруашылығы жәрмеңкесі өтуде. Ал №523 және №457 учаскелердің жанында жергілікті өндіріс өнімдері мен нан-тоқаш өнімдерін сатып алуға болады.