Фестивальге мыңнан астам қатысушы келеді деп күтілуде, деп хабарлайды aqshamnews.kz тілшісі.
2026 жылы 9 тамызда Алматыда жасанды интеллект, цифрлық технологиялар және технологиялық кәсіпкерлікке арналған ең ірі жастар фестивальдерінің бірі – AITK Fest 2026 өтеді. Іс-шара талантты мектеп оқушыларын, жас әзірлеушілерді, стартаптарды, жетекші IT және AI-компанияларды, жоғары оқу орындарын, бизнес, мемлекеттік органдар мен сарапшылар қауымдастығының өкілдерін бір алаңға біріктіреді.
Фестиваль Алматы қаласының Цифрландыру басқармасының қолдауымен ұйымдастырылады және жастар арасында жасанды интеллект, цифрлық технология мен технологиялық кәсіпкерлік экожүйесін дамытуға бағытталған.
Фестивальдің басты тақырыбы – жасанды интеллектіні тәжірибеде қолдану. Алаңда қазақстандық компаниялар мен стартаптардың заманауи AI-шешімдері, білім беру, мемлекеттік басқару, бизнес, автоматтандыру және цифрлық сервистер саласындағы инновациялық өнімдері таныстырылады.
Фестиваль бағдарламасында:
10–11-сынып оқушылары арасында AI және IT-шешімдерді әзірлеу бойынша хакатон;
жас технологиялық кәсіпкерлердің қатысуымен өтетін Startup Battle;
технологиялық өнімдер мен цифрлық сервистердің таныстырылымы;
саланың жетекші сарапшылары мен көшбасшыларының баяндамасы;
жоғары оқу орындарының, технологиялық компаниялар мен серіктестердің көрме аллеясы;
жасанды интеллект пен цифрлық технологияларға арналған білім беру және интерактивті алаңдар.
Фестивальге мыңнан астам қатысушы келеді деп күтілуде. Фестиваль қорытындысы бойынша байқау бағдарламасының 50 жеңімпазы анықталады.
Өтетін күні: 2026 жыл 9 тамыз.
Уақыты: сағат 09:00.
Мекенжайы: Алматы қаласы, Рысқұлбеков көшесі, 28, Қазақ-Америка университетінің базасында.