2024 жылдың басынан бастап Алматы қаласы бойынша Сауда және тұтынушылардың құқықтарын қорғау департаменті тұрғындардың құқықтарының бұзылуына байланысты 6000-ға жуық өтініштерін қарады. Бұл туралы ведомство қызметінің қорытындыларына арналған ӨКҚ брифингінде белгілі болды, деп хабарлайды aqshamnews.kz.
Өтініштерді қарау қорытындысы бойынша 40 жоспардан тыс тексеру жүргізілді, нәтижесінде тұтынушыларға 303 239 531 теңге қайтарылды. Департамент, сонымен қатар, заң бұзушыларға 168 әкімшілік жаза тағайындады.
Департамент басшысының орынбасары Нұрлан Әбдиев ең көп тараған заң бұзушылықтар тұтынушылардың талаптарына уақтылы жауап бермеу, сондай-ақ әлеуметтік маңызы бар азық-түлік тауарларына заңнамада белгіленген сауда үстемесін бұзу болып табылатынын айтты.
«Департамент жұмысының маңызды бағыты сауда және тұтынушылардың құқықтарын қорғау саласындағы заңнама нормаларын сақтау бойынша іс-шаралар кешенін жүргізу болып табылады. Келіп түсетін өтініштердің негізгі үлесі бөлшек сауда және электрондық сауда саласына қатысты, оны департамент жүйелі түрде қарайды», - деп атап өтті Н. Әбдиев.
Тұтынушылар көбінесе тұрмыстық қызмет көрсету саласында сапасыз қызмет алады. Департамент тұтынушылармен түсіндіру жұмыстарын жүргізеді, өтініштер жасауға құқықтық көмек көрсетеді және одан ары соттарға үшінші тұлғалар ретінде қатысуды ұсынады.
Сондай-ақ Департамент Алматы қаласының қоғамдық ұйымдарымен Алматы қаласы азаматтарының тұтынушылардың құқықтарын қорғау саласында бірлескен жұмыс жүргізуде.
«Деректерді талдау нәтижесі тұтынушылық құқықтық мәдениеттің артуы туралы да, жосықсыз кәсіпкерлік қызметтің өсуі туралы да көрсетті. «Сапалы өнім» әлеуметтік жобасы аясында Алматы қаласының қоғамдық ұйымдары азық - түлік қауіпсіздігі сапасының сәйкестігін анықтау үшін шетелдік өндірушілердің 66-ға жуық өнім атауын сатып алып, тамақ өнімдерін сынау зертханасына сараптама жүргізуге жіберілді», - деп бөлісті спикер.
Нәтижесінде 24 бизнес субъектісі әкімшілік жауапкершілікке тартылды.
Сондай-ақ, 2024 жылдың 8 айының қорытындысы бойынша баға белгілеуге және тұтынушылардың құқықтарын қорғауға қатысты жосықсыз қызмет белгіленді. Бұл фактілер жойылды, нәтижесінде 396 әкімшілік хаттама толтырылды.