Құрметті жыр сүйер қауым! 2024 жылдың 25-28 қыркүйек аралығында Алматы қаласы Мәдениет басқармасының қолдауымен, Халықаралық “ТҮРІКСОЙ” ұйымы және "Тұлға-достық" қоғамдық қоры Алматы қаласында «Түркі дүниесі жас ақындарының халықаралық поэзия фестивалін» ұйымдастырады.
Фестивальдің мақсаты:
- Түркі дүниесінің бірлігін насихаттау;
- Түркі дүниесі жас ақындарының байланысын нығайту;
- Түркі дүниесінің әдебиеті мен мәдениетін дәріптеу;
- Жас ақындардың көзқарасын кеңейтіп, жаңа шығармалардың жазылуына ықпал ету.
Бұл мәдени шараға Қазақстан, Түркия, Әзербайжан, Өзбекстан, Қырғызстан және Түркіменстан секілді түркі елдерінен жас ақындар қатысады. Фестивальдің ашылу салтанатына мәдениет саласының басшылары, Халықаралық «ТҮРІКСОЙ» ұйымының Бас хатшысы Сұлтан Раев, Қырғызстан Жазушылар одағының төрағасы Қанабек Иманалиев және Қазақстан Жазушылар одағының төрағасы Мереке Құлкенов пен басқа да зиялы қауым өкілдері қатысады.
Сіздерді 26 қыркүйек күні сағат 11:00-де Жетісу ауданындағы "Поэзия аллеясында" өтетін фестивальдің салтанатты ашылуына және сол күні сағат 17:00-де “Алатау” дәстүрлі өнер театрында өтетін жыр кешіне шақырамыз.
Біз сіздерді асыға күтеміз! Ақындар шаһары Алматыға жыр жауған сәттің куәсі болыңыздар!