Алматы қаласы Түркісіб ауданының Ішкі істер басқармасының қызметкері Қайынбай Дастан Қанатұлы “Терроризм актісінің қаупі туындаған немесе терроризм актісі жасалған жағдайдағы әрекеттер”тақырыбында түсіндіру жұмыстарын жүргізді.
Оған №1 Алматы қазақ мемлекеттік гуманитарлық педагогтік колледжінде барлық оқытушылары қатысты.
Ондағы мақсат - экстремизм және терроризм туралы терең түсінік беру оның түрлері,себептері мен зардаптарын ұғындыру.
Жиын барысында ,егер терроризм актісі туралы хабарлама келіп түскен жағдайда шұғыл эвакуацияға дайын болу керектігі түсіндіріліп сақтану міндеттері айтылды.
Ғимаратта терроризм актісі туралы,күмәнді затты тауып алған кездегі қауіпсіздік талаптарымен,сырттай жарылғыш затқа ұқсайтын күмәнді затты тауып алу туралы хабар алған кезде әкімшіліктің іс-әрекеті жайлы,жарылғыш құрылғылар орнатылуы мүмкін орындар туралы ақпарат беріліп қандай да болса оқиға орын алған жағдайда дүрбелеңге бой алдырмау керектігі жөнінде түсіндірме жұмыстары жүргізіліп жарылғыш құрылғының белгілерімен таныстырылды.