Жыл қорытындысы бойынша 5394 пәтер беріледі.
Алматы әкімі Бақытжан Сағынтаев Тәуелсіздік мерейтойына орайластырылған салтанатты рәсімде халықтың әлеуметтік осал топтарынан кезекте тұрғандарға пәтер кілттерін тапсырды, деп хабарлайды Almaty-akshamy.kz
Қаланың коммуналдық тұрғын үй қорынан тұрғын үй кезегінде тұрған халықтың әлеуметтік осал топтарына 211 пәтер бөлінді. Тұрғын үй «Нұрлы жер» мемлекеттік бағдарламасы аясында салынған Алатау ауданындағы «Мәдениет» ТК орналасқан.
Б. Сағынтаев қала тұрғындарын келе жатқан Тәуелсіздік күнімен құттықтап, жаңа баспанада жақсылық пен бақыт тіледі.
Жыл басынан бері 3761 мұқтаж отбасы тұрғын үймен қамтамасыз етілді. Оның ішінде «Бақытты отбасы» республикалық бағдарламасы аясында 156 көп балалы, 43 толық емес және мүгедек балаларды тәрбиелеп отырған 242 отбасыларға 441 несиелік заем берілді. «Шаңырақ» бағдарламасы бойынша 2146 несиелік қарыз берілді. Қалалық «Алматы жастары» жеңілдетілген несие бағдарламасы бойынша 926 несие берілді. Коммуналдық тұрғын үй қорынан 248 пәтер бөлінді.
2021 жылдың соңына дейін жұмыс істейтін жастар арасында 1050 пәтерді бөлу аяқталады.
Жыл қорытындысы бойынша 5394 пәтер беріледі. Мәселен, «Бақытты отбасы» республикалық бағдарламасы шеңберінде көп балалы, толық емес және мүгедек балаларды тәрбиелеп отырған отбасылар үшін 1013 кредиттік заем беріледі. «Шаңырақ» бағдарламасы бойынша – кезекте тұрғандардың барлық санаттары үшін 2146 кредиттік заем.
«Алматы жастары» қалалық жеңілдікпен несиелендіру бағдарламасы бойынша 926 несие берілді. Көпбалалы отбасыларға сатып алу құқығынсыз 267 жалдамалы пәтер берілді, бүгінде 211 пәтер халықтың әлеуметтік осал топтарының өкілдеріне берілді. Сондай-ақ, 29 жасқа дейінгі жұмыс істейтін жастарға 1050 пәтер беріледі.