Алматы қаласы Қоғамдық денсаулық сақтау басқармасы басшысының орынбасары Назгүл Иманғалиева депутаттарға неліктен сирек кездесетін сырқатқа шалдыққан науқастарды тегін дәрі-дәрмекпен қамтамасыз етуге қаражаттың өсіп жатқанын түсіндірді, деп хабарлайды аlmaty-akshamy.kz.
«2024 жылға бізде 7682 пациентке 8,2 млрд теңге бөлінді. Бізде жаңа науқастарды анықтау есебінен қаражат өсуде, бұл жаңадан анықталған 1024 пациент. Бізде орфандық аурулар бойынша дәрілік заттарға қажеттілік 53% артты. Сонымен қатар, бізде нозология тізімі кеңейді, 10 жаңа ауруға және орфандық ауруларға арналған дәрілік заттардың бағасы өсіп отыр», - деді Назгүл Иманғалиева.
Бұған қоса, бұлшықет дистрофиясы бар онкологиялық науқастарға арналған кейбір дәрі-дәрмектер қымбат, бұл бюджеттің едәуір бөлігін алады.
Нозологиялар мен дәрілік заттардың тізімі көбейіп келеді. Мысалы, 2023 жылы мәслихат 10 пациентті қамтамасыз ету үшін 10 жаңа ауру түрі мен 11 түрлі препарат енгізу туралы шешім қабылданды. 2023 жылмен салыстырғанда нозологияның 27 түрі бойынша дәрілік заттарға қажеттілік 2024 жылға 53,3% өсті.