Жалпы көлемі 9 тонна азық-түлік таратылды.
ҚМДБ Алматы өкілдігі бойынша «Зекет және қайырымдылық» қоры 360 отбасыға азық-түліктер салынған «Рамазан қоржынын» табыстады, деп хабарлайды Almaty-akshamy.kz басқарманың баспасөз қызметіне сілтеме жасап.
«Алматы Орталық мешітінің ауласында 360 мұқтаж отбасылары мен көп балалы аналарға азық-түліктер салынған «Рамазан қоржыны» үлестірілді. Игі шараға Алматы қаласының бас имамы Төлеби Дәділұлы қатысты. Көмек алған мұқтаж отбасылар мен көп балалы аналар мешіт қызметкерлері мен қайырымды жандарға зор алғысын жеткізді. Қайырымдылық айы - Рамазанда демеушілік жасаған азаматтарға Алла мол сауаптан жазсын!» - делінген басқарма таратқан хабарламада.