Алматы қаласы полиция департаментінде қысқы кезеңде қызмет атқаруға көшуге орай барлық қызметтер мен бөлімшелердің саптық қарауы өткізілді.
Іс-шараның мақсаты – қызметкерлердің қысқы жағдайда жұмыс істеуге дайындық деңгейін кешенді түрде тексеру, оның ішінде қызметкерлердің сыртқы келбеті, формалық киімнің жай-күйі, материалдық-техникалық жарақтандырылуы, сондай-ақ қызметтік автокөліктер мен арнайы техниканың жарамдылығын бағалау. Азаматтардың қауіпсіздігін қамтамасыз етуге, жедел әрекет етуге және қысқа күндізгі уақыт, қарлы боран мен көктайғақ жағдайында қызмет тиімділігін арттыру бойынша жоспарлар талқыланды.
"Саптық қарау – бұл жай ғана рәсім емес. Біз қызметкерлердің сыртқы келбетін ғана емес, азаматтардың қауіпсіздігіне әсер ететін барлық факторларды яғни жарақтандыруды, экипировканы, автопарктің дайындығын тексереміз. Қыстың келуімен полиция бөлімшелеріне түсетін жүктеме артады, сондықтан біздің міндетіміз – жеке құрамның кез келген жағдайға барынша дайын болуын қамтамасыз ету және қаладағы қоғамдық тәртіптің жоғары деңгейін сақтау", – деді, Алматы қалалық полиция департаменті бастығының орынбасары Әділқожа Құсайынов.
Саптық қарау қорытындысы бойынша әрбір бөлімше басшыларына тиісті нұсқаулар берілді.