Алматы полициясында мыңнан астам әйел қызмет етеді.
Мереке қарсаңында Алматы қаласының әйел полицейлерінің құрметіне көктемгі және танымал хиттер айтылды. Олардың құрметіне бүгін нағыз мереке ұйымдастырылуда, деп хабарлайды aqshamnews.kz Polisia.kz-ке сілтеме жасап.
— Біздің әріптестер Қазақстан полициясының барлық бөлімшелерінде ерлермен бірдей күндіз-түні қызмет етеді. Азаматтардың тыныштығы мен қоғамдық тәртіпті сақтау жолында күн сайын өз денсаулығы мен өміріне қауіп төндіре отырып, олар өздерінің қызметтік міндеттерін ерлікпен және жанқиярлықпен атқаруда. Бұл жерде мұндай әйелдерді әлсіз жыныс деп атауға болмайтынын атап өткен жөн, өйткені олар қызмет етуден басқа, отбасы берекесін сақтаушылар, қамқор аналар және сүйікті жұбайлар. Бүгінде еліміздің қоғамдық-саяси өміріне әйелдердің көп бөлігі қатысып, Қазақстан Республикасындағы қоғамдық-саяси тұрақтылыққа қол жеткізуге зор үлес қосуда, - деді Алматы қалалық полиция департаментінің бастығы Арыстанғани Заппаров.
Көктем мерекесі қарсаңында Алматы қаласының барлық полицей әйелдер Ішкі істер министрінің, қала әкімінің және полиция бепартаментінің грамоталарымен, марапаттарымен және алғыс хаттарымен марапатталды.
— Осы мереке күні ардагер әйелдерімізге шексіз алғысымызды білдіреміз. Олардың көп жылғы қызметі, бай тәжірибесі мен кәсіби біліктілігі өскелең ұрпақ полицейлерге қызметтік борышын адал атқарудың, адалдық пен адамға деген құрметтің үлгісі. Құрметті әйелдер! Бұл күндері Сіздерге қаншама жылы лебіздер айтылса да, ал оның көп болары сөзсіз, жүрегіміздегі терең құрмет, сүйіспеншілік, ризашылық сезімдерін толық жеткізе алмайды. Біз Сіздерді мақтан тұтамыз. Сіздер біздің өмірімізді жарқын етесіздер, - деді Арыстанғани Заппаров.