Алматы қаласы бойынша Ұлттық қауіпсіздік комитеті Департаментінің қалалық терроризмге қарсы күрес жөніндегі жедел штабы аясында дайындалған ақпараттық-түсіндіру бейнеролигі бүгін 8–11 сынып оқушыларына ұсынылды.
Бейнероликте террористік сипаттағы қылмыстар үшін көзделген жауапкершілік, соның ішінде жарылғыш зат туралы көрінеу жалған хабарлама бергені үшін қарастырылатын жазалар кеңінен түсіндірілді. Сонымен қатар террористік қауіп-қатер туралы хабарлама түскен жағдайда әрекет ету тәртібі нақты көрсетілді.
Іс-шара барысында Қазақстан Республикасы заңнамасына сәйкес терроризм актісі туралы көрінеу жалған хабарлама берудің құқықтық салдары жөнінде толық ақпарат берілді.
Мамандардың айтуынша, мұндай түсіндіру жұмыстарының негізгі мақсаты – оқушылардың құқықтық сауаттылығын арттыру, қауіпсіздік мәдениетін қалыптастыру және терроризмнің алдын алу.