Сот алаяқтарды түрлі мерзімге соттады.
Екі алаяқ марқұм болған алматылықтың банк шотынан бір миллиард теңге ұрламақ болған, деп хабарлайды Almaty-akshamy.kz қалалық прокуратураға сілтеме жасап.
Ведомство мәліметінше, ер адам мен әйел марқұм алматылық тұрғынның қарызы бар деп сотқа арызданған. Олар жалған құжат жасап, сотта жеңіске жеткен. Осыдан кейін жеке сот орындаушысы сот шешімі негізінде өз есепшотына марқұмның банк шотында сақталған 1 миллиард теңгені аударған. Қаражат кейіннен өндіріп алушыларға аударылуы тиіс болған.
«Алайда марқұмның әйелі дер кезінде алаяқтардың қылмыстық әрекеттерінің жолын кесті. Ол құқық қорғау органдарына жүгінген, сол арқылы кінәлілер қылмыстық әрекеттерін аяқтай алмады. Соталды тергеп-тексеру барысында және сотта марқұмның іс жүзінде ешкімнің алдында ешқандай қарызы болмағаны анықталды», - деді прокурорлар.
Сот алаяқтарды түрлі мерзімге соттады. Апелляциялық сот заңды күшіне енген үкімді өзгеріссіз қалдырды.