Алматы әкімдігінің Қоғамдық даму басқармасы мен Өңірлік коммуникациялар қызметінің күшімен осы жылы 20 мамырда жастар көшбасшылары, ЖОО оқытушылары, әлеуметтанушылар, магистранттар мен белсенділер қатарынан 25 жас сарапшыны оқыту басталды. Бүгін 1 шілдеде қорытынды шығарылып, сертификаттар табысталды, деп хабарлайды almaty-akshamy.kz
Жобаның негізгі мақсаты - қоғамдық пікірдің жаңа жас көшбасшыларын анықтау, олардың кәсіби деңгейін арттыру, пайдалы ақпарат беруге үйрету.
Сабақтар апта сайын сенбі күндері тәжірибелі тренер, саясаттанушы және шолушы Әмірханов Жомарттың қатысуымен өтті.
Сабақ аясында сарапшылар статистикамен жұмыс істеуді үйренді, сараптамалық материалдарды жазуды үйренді, қарапайым әрі ұғынықты ойлауды үйренді. Апта сайын оқытушының практикалық, үй тапсырмаларын орындады.
Әмірханов Жомарттың авторлық курсы саяси технологиялардың негіздерін, статистикамен жұмысты қамтыды.
Сарапшылардың лагері тыңдаушылардың саяси мәдениетін арттыруға көмектесті.
