Жароков көшесі мен әл-Фараби даңғылының қиылысындағы жолайырықтың учаскелерінде орташа жөндеу жүргізілуіне байланысты көлік қозғалысына уақытша шектеу енгізіледі.
1-кезең: 11 тамыз сағат 22:00-ден 12 тамыз сағат 06:00-ге дейін Исиналиев көшесінен жолайырықтың оңтүстік-шығыс шығысына дейінгі аралықта қозғалыс жабылады. Сондай-ақ, жолайырықтың солтүстік-шығыс шығысы да жабық болады.
2-кезең: 12 тамыз сағат 22:00-ден 13 тамыз сағат 06:00-ге дейін жолайырықтың солтүстік-батыс және оңтүстік-батыс шығыстарында қозғалыс тоқтатылады.
Жөндеу жүргізілетін учаскелерде ескерту белгілері мен мердігер ұйым басшысының байланыс деректері жазылған ақпараттық тақталар орнатылады. Қала тұрғындары мен қонақтарынан жол жүру бағытын алдын ала жоспарлауды сұраймыз.
Еске саламыз, қозғалысқа шектеу туралы барлық ақпарат Telegram-арнада @AlmatyJoly, аудан әкімдіктерінің әлеуметтік желідегі парақшаларында, сондай-ақ, 2GIS және Яндекс карталар сервистерінде жарияланады.