Алматы әкімі Ерболат Досаев Түрксіб ауданының тұрғындарымен кездесу барысында аудан тұрғындарын сапалы медициналық қызметтермен қамтамасыз ету үшін қабылданып жатқан шаралар туралы айтып берді, деп хабарлайды aqshamnews.kz
Оның айтуынша, Нұршашқан шағын ауданының тұрғындары үшін биыл бір ауысымда 100 адамнан асатын қуаты бар отбасылық-дәрігерлік амбулатория салынды.
Қараша айында амбулаторияның ашылуы жоспарлануда. Сонымен қатар, осы жылдың шілде айында 10 бригадаға арналған №13 жедел медициналық жәрдем қосалқы станциясы іске қосылды. Бұл қаланың шығыс бөлігінде жедел жәрдем келу уақытын қысқартуға мүмкіндік берді.
«Спорт инфрақұрылымын құру жұмыстары жалғасуда. «Жас Қанат» шағын ауданында ағымдағы жылдың қазан айының соңына дейін күніне 600 адам қабылдай алатын дене шынықтыру-сауықтыру кешенін ашу жоспарлануда», – деді қала басшысы.
Айта кетейік, 2024 жылы Алматыда денсаулық сақтау инфрақұрылымын жаңғыртуды қаржыландыру 2,5 есеге ұлғайып, 26,3 млрд теңгеге дейін жетті.