Алматыда инклюзивті спортты дамытуға бағытталған жаңа спорт орталығының құрылысы басталды. Жоба параспортшыларды қолдауға және спорт инфрақұрылымының қолжетімділігін арттыруға арналған. Бұл туралы Алматы қаласының Спорт басқармасының өкілдері хабарлады
Ведомство мәліметінше, екі қабатты ғимараттың жалпы ауданы 7,6 мың шаршы метр. Орталықта бассейндер, әмбебап және жаттығу залдары, үстел ойындарына, үстел теннисіне және садақ атуға арналған арнайы залдар, сондай-ақ конференц-зал бар.
Инклюзивті спорт орталығында жүзу, жеңіл атлетика, пауэрлифтинг, үстел теннисі, бадминтон, дзюдо, таэквондо, отырып ойнайтын волейбол, голбол, бочча, арба биі, паравелоспорт, ату спорты және өзге де бейімделген спорт түрлері бойынша жаттығулар өткізіледі.
Құрылыс жұмыстары 2025 жылы тамызда басталды. Нысан 2026 жылы IV тоқсанда пайдалануға берілмек.