Биыл оған Қытай, Польша, Чехия, Болгария, Грузия, Түркия, Әзербайжан, Өзбекстан, Ресей, Башқұртстан мен Қазақстанның үздік театр ұжымдары қатысады.
Алматыда 21-24 қазан аралығында ІІ Халықаралық қуыршақ театрлары фестивалі Almaty puppet festival – 2024 өтеді, деп хабарлайды aqshamnews.kz қалалық әкімдіктің баспасөз қызметіне сілтеме жасап.
«ІІ Халықаралық қуыршақ театрлары фестивалі Almaty puppet festival – 2024 қала мәдениетінің маңызды оқиғасы болмақ. Сондай-ақ ол қуыршақ өнері шеберлері арасында тәжірибе және идея алмасу алаңына айналады»,-делінген ведомство таратқан ақпаратта.
Фестиваль аясында түрлі ерекше қуыршақ кейіпкері бар қойылымдардан бөлек, танымдық шығармашылық кездесулер әрі шеберлік дәрістері де өткізіледі деп жоспарланған.