Алматыда ҚР Суретшілер одағының 90 жылдығына арналған Халықаралық көрме ашылды
Әбілхан Қастеев атындағы ҚР Мемлекеттік өнер музейінде ҚР Суретшілер одағының 90 жылдығына арналған Халықаралық мерейтойлық көрмесі ашылды.
Бұл – Қырғызстан, Өзбекстан, Грузия, Әзірбайжан, Беларусь, Бурят, Литва, Тәжікстан, Украина, Молдова Суретшілер одағы өкілдерінің қатысуымен ҚР Суретшілер одағының кейінгі жылдары ұйымдастырған Қазақстанның кескіндеме, графика, мүсін және сәндік-қолданбалы өнерінің ең өкілді кәсіби форумы.
ҚР Суретшілер одағының Халықаралық мерейтойлық көрмесінде еліміздің өңірлерінен келген 250-ден астам кәсіби отандық суретшілердің, сондай-ақ өзге мемлекеттер суретшілерінің 2022-2023 жылдары орындаған туындыларын ұсынды. Көрмеде заманауи өнердің барлық жанры мен стильдері көрсетілген. Айтпақшы, шетел суретшілерінің (Қырғызстан, Өзбекстан, Әзірбайжан, Грузия және т.б.) туындылары көрмеден соң Қастеев музейінің қорында қалады.
Қазақстандық бейнелеу өнері мектебінің дәстүрлеріне келер болсақ, адалдық, қондырғылы өнер, көркемөнер объектілері мен мүсін саласындағы батыл тәжірибелер сыншыларға да, көрермендерге де заманауи өнердің алуан түрлілігін бағалауда жаңа серпін береді. Жаңа тақырыптар, елеулі кәсіби жетістіктермен нығайтылған шығармашылық міндеттердің стандартты емес шешімдері алдағы мерейтойлық көрмеде қазақстандық суретшілер өнерінің бағалы жақтауын құрайды, – дейді көрме жетекшісі Гүлнар Жұбаниязова.
Экспозиция 7 желтоқсанға дейін жалғасады.