Алматыда полиция қызметкерлері аса ірі көлемде алаяқтық жасады деген күдікпен халықаралық іздеуде жүрген Ресей азаматын ұстады. Бұл туралы Aqshamnews.kz сайты хабарлайды.
Күдіктіні іздеуді РФ Краснодар өлкесінің ФҚҚ басқармасы бастаған. Ол ұйымдасқан қылмыстық топ құрамында әрекет етіп, мемлекетке 23 миллион рубльден астам шығын келтірген.
Алматы ПД мәліметінше, жедел шаралар нәтижесінде күдіктінің мекенжайы анықталып, уақытша ұстау изоляторына қамалды. Қазір экстрадициялау процесі басталды.