Алматыда есірткі саудасымен айналысқан ұйымдасқан қылмыстық топтың 10 мүшесі ұсталды. Бұл топ прекурсорлар мен нарколабораторияларға қажетті жабдықтарды Қазақстанның әртүрлі өңірлеріне жеткізумен айналысқан, деп хабарлайды aqshamnews.kz.
Қылмыстық топ өз әрекеттерін үйлестіру үшін Telegram мессенджерін пайдаланған. Операция барысында үш қоймада прекурсорлар сақталып тұрғаны анықталды. Тәркіленген заттардың жалпы салмағы үш тоннаны құрап, құны 420 миллион теңгеден асады. Сондай-ақ, есірткі өндіруге арналған құрал-жабдықтар да алынған.
«Құқық қорғау органдары күдіктілерді ұстап, қамауға алды. Қазіргі уақытта тергеу амалдары жүргізілуде. Тергеу мақсатында қылмыстық топтың барлық қатысушылары анықталып, басқа да осы іске қатысы бар тұлғалар белгілі болады», — деп хабарлады ішкі істер министрлігі.