Әр азаматтың дауысы елдің болашағына әсер етеді, деп хабарлайды aqshamnews.kz тілшісі.
Бүгін дәстүрлі әнші, Қазақстанның мәдениет саласының өкілі Сандуғаш Стамғазиева Құрылтай сайлауына қатысып, таңдау жасады.
Ел өміріндегі маңызды саяси науқанға азаматтық үн қосқан өнер иесі сайлаудың маңызына тоқталып, таңдауын елдің болашағымен байланыстыратынын жеткізді.
«Бүгінгі таңдау – ертеңгі күннің негізі. Әр азаматтың дауысы елдің болашағына әсер етеді деп ойлаймын. Сондықтан сайлауға қатысып, азаматтық таңдау жасадым. Еліміздің тыныштығы мен бірлігі, жастарымыздың жарқын болашағы, ұлттық құндылықтарымыздың сақталуы – бәрімізге ортақ дүние. Еліміз аман, жұртымыз тыныш болсын», – деді Сандуғаш Стамғазиева.