2025 жылғы 28 қаңтар мен 5 ақпан аралығында Алматы қаласының Белсенді ұзақ өмір сүру орталығында Лялина Ольганың жеке шығармашылық көрмесі өтеді.
75 жастағы зейнеткер экономист, бұрын Ғылым академиясында ұзақ жылдар жұмыс істеген. Кескіндеме өнеріне 68 жасында ғана қызығушылық танытқан.
Ольга Лялина Белсенді ұзақ өмір сүру орталығына қосылғаннан бері Қазақстан Суретшілер одағының мүшесі, академик Марлан Нысанбаевтың кескіндеме сабақтарына қатысып, сурет салу шеберлігін жетілдіруде. Көрмеде оның акварель, гуашь және акрил техникасындағы 15 шығармасы ұсынылады. Автор натюрморт жанрын ерекше ұнатады.
Көрменің ашылуы:
- Өтетін күні: 28 қаңтар 2025 жыл
- Уақыты: Сағат 11:00
- Өтетін орны: Алматы қаласының Белсенді ұзақ өмір сүру орталығы, Мәуленов көшесі, 46а.
Белсенді ұзақ өмір сүру орталығы 2022 жылы Алматы қалалық Жұмыспен қамту және әлеуметтік бағдарламалар басқармасының қолдауымен құрылған. Орталық зейнеткерлерге бос уақытты тиімді өткізу үшін курстар мен шығармашылық шаралар ұсынады. Мұндай іс-шаралар қарт азаматтардың шығармашылық әлеуетін ашуға мүмкіндік беріп, олардың өмір сүру сапасын арттыруға бағытталған.