Алматыда автомектептердің үздік курсанттары анықталды, – деп хабарлайды almaty-akshamy.kz.
“Жол қозғалысы қауіпсіздігі апталығы” аясында Алматы полицейлері автомектептердің жұмысына талдау жасады. Алматыда жүргізушілерді даярлау және қайта даярлау бойынша барлығы 57 білім беру ұйымы бар. Жол-көлік оқиғаларын азайту және жалпы жол қауіпсіздігін қамтамасыз етуде автомектептердің сапасы маңызды рөл атқаратыны белгілі.
– Біздің бөлімше мұндай білім беру ұйымдарының қызметіне тұрақты түрде мониторинг жүргізеді. Бүгінгі таңда автомектептердің оқу кабинеттері мен полигондары стандартқа сай болуы керек. Ережеге сай, мұғалімдер оқу үдерісін жаңа оқу құралдары мен технологияларын пайдалана отырып жетілдіруі керек, – деді, Алматы қаласы ПД ӘПБ ПҚ бастығы Тимур Серікұлы.
“Жол қауіпсіздігі апталығы” науқаны аясында автомектептің үздік курсанттары анықталды. Бұл – Сағындық Жарылқап пен Андрей Тяжин.