Елімізде 28 қараша күні Алматыда алғаш рет такси нарығына қатысты форум өтеді, деп хабарлайды aqshamnews.kz.
Форумда такси нарығын реттеу, Қазақстандағы болашағы, такси қызметіне салық салу, парктерді автокөліктермен қамтамасыз ету, тұтынушы қауіпсіздігі, саланы қаржыландыру, сақтандыру және Алматы қаласының такси паркін электр көліктеріне көшіру сынды өзекті мәселелер талқыланбақ.
Жиынға сала мамандары мен сарапшылар қатысады. Сондай-ақ такси индустриясы қауымдастығының, Yandex Go компаниясының басшылары қатысады.
Ұлттық статистика бюросының мәліметінше, 2024 жылдың бес айында аталған нарық субъектілерінің кірісі 3 373,5 млн теңге болған. Жалпы 28 437,5 мың адам тасымалданған.
Еске сала кетейік, бұған дейін елімізде такси жүргізушілердің жұмысына өзгерістер енгізілетіні жайында жазған едік.