8 наурыз – Халықаралық әйелдер күні Қазақстанда көптеген сәбилердің өмірге келуімен есте қалды. 2025 жылы бұл күні ел бойынша 769 бала дүниеге келген. Бұл туралы Aqshamnews.kz сайты хабарлайды.
Денсаулық сақтау министрлігінің мәліметінше, жаңа туған нәрестелердің 366-сы – қыз, ал 403-і – ұл. Сонымен қатар, 5 егіз өмірге келген.
Ең көп нәресте Түркістан облысында тіркелді – 126 бала. Алматыда 76, Шымкентте 71, ал Астанада 65 сәби дүние есігін ашты. Дәрігерлердің айтуынша, барлық босану жағдайлары сәтті өткен, аналар мен сәбилердің жағдайы жақсы.
8 наурызда дүниеге келген қыздарға көбінесе Айша, Алина, Айару, Сәния, Жанель сияқты есімдер қойылады. Көктемнің шуақты мерекесінде өмірге келген сәбилер ата-аналарына ерекше сыйлық болды.