Алматы қаласы бойынша ҚАЖД пробациялық қызмет мамандары "Учаске" профилактикалық іс-шарасы өткізілген он күн ішінде 3 мыңға жуық сотталғанды тұрғылықты жері бойынша тексерді, - деп хабарлайды aqshamnews.kz Polisia.kz-ке сілтеме жасап.
Алматы қаласы бойынша жыл басынан бері 5 мыңға жуық сотталған пробация бақылауынан өтсе, бүгінгі таңда қала бойынша 3 мыңға жуық сотталған пробациялық бақылау есебіне алынған. Жедел іс-шара кезінде сотталғандарды тексеру жұмысына Алматы қаласы полиция департаментіне қарасты полиция бөлімшелері мен пробация қызметінен 120 офицер тартылып, 135 сотталғанның шартты жаза өтеу тәртібін бұзғаны анықталыды.
Сонымен қатар 43 сотталғанға қатысты әкімшілік хаттама толтырылды. Аталған құқық бұзушылықтар ішінде негізінен ӘҚБтК-нің 440,441 және 492-баптары, яғни алкогольдік ішімдіктер ішу және тіркеусіз немесе жеке басты куаландыратын құжаттарсыз тұру сияқты құқық бұзушылықтар анықталды.