Бір ғана Алматыда 30 ірі-ірі волонтерлік ұйым жұмыс істейді. Өңірлік коммуникациялар қызметі алаңында волонтерлік қозғалыстар қандай жобаларды жүзеге асырып жатқанын, жоспарлары мен жастарды қоғамдық белсенділікке тарту туралы Алматы қаласы Жастар саясаты басқармасы басшысының орынбасары Әзиз Қажденбек пен Алматы қаласы бойынша волонтерлар фронт-офисі «QAMQOR CHARITY» қоғамдық қорының төрайымы Бағдат Анарбаевалар баяндап берді,-деп хабарлайды Almaty-akshamy.kz.
Бірқатар ірі волонтерлік қозғалыстардың қатарына ОФ «Лига волонтеров Казахстана», ОФ «QAMQOR CHARITY», «LIDER.kz», «Клуб добряков Алматы», «Команда SOS», РОО «Медицинская молодежь» («Қазақстан Еріктілер Лигасы» ҚҚ, «QAMQOR CHARITY» ҚҚ, «LIDER.kz», «Алматы қаласының мейірімділер клубы», «SOS командасы», «Медициналық жастар») қоғамдық ұйымы және т.б. Ұйымдардың деректер базасында 50 мыңнан астам волонтері бар.
«Біздің қалада Depo Evolution Park орталығы бар – бұл жастардың жиналатын жері. Біздің волонтерлік кеңсе осы орталықта орналасқан. Волонтерлік фронт-офистің басты мақсаты – түрлі ұйымдарды біріктіріп, жобаларды бірлесіп жүзеге асыру», – деді А.Қажденбек.
Волонтерлердің фронт-офисі волонтерлар мен волонтерлік ұйымдарға кеңес беру және қолдау көрсету қызметін атқарады, оның жұмысы мемлекеттік әлеуметтік тапсырыс шеңберінде жүзеге асырылады.
«Фронт-офистің жұмысы жастардың қаланың әлеуметтік-экономикалық, әлеуметтік, спорттық өміріне белсене қатысуын арттыруға бағытталған, волонтерлік қызметке тартылған азаматтардың үлесін арттыруға, олардың мемлекеттік органдармен өзара әрекеттесу тетіктерін жетілдіруге бағытталған, мемлекеттік мекемелер мен азаматтарды халықтың әлеуметтік маңызды мәселелерін шешуге қатысуға тарту», - деді Б.Анарбаева.
Сонымен қатар, қалалық еріктілер түрлі жобаларды ұйымдастырып, өткізеді. Мәселен, «Narkostop» жобасы аясында алматылық жастар тыйым салынған заттардың жарнамасын бояу бойынша тұрақты жұмыс жүргізілген. Еріктілер қарт адамдарға көмек беріп, жалғызбасты зейнеткерлердің бос уақытын қызықты өткізуді ұйымдастырған. Бұл үшін апта сайын 50 волонтер тартылған. Сонымен қатар, жыл басынан бері түрлі пансионаттар мен әлеуметтік орталықтарда 30-дан астам кеңестік кино кештері ұйымдастырылған.
«Сабақтастық» бағыты аясында 27 іс-шара өткізіліпті. Атап айтқанда, түрлі шеберлік сыныптары мен кәсіптік бағдар беру, құстарға жем салатын жәшік бұйымдар жасау, қолөнер және оригами, мәнерлеп сырғанау, «Жанұя» балалар үйінің тәрбиеленушілерімен VR орталығына саяхат, «Балалар ауылы», «SOS», «Жастар үйі». Бұл аталған іс-шараларға 80-нен астам еріктілер мен 200 бала қатыстырылған.
Сонымен қатар, еріктілер із-түссіз жоғалғандарды іздеуге белсенді атсалысқан. Жыл басынан бері 30 адамнан тұратын ерікті жасақ 69 адамды табыпуына мүмкіндік жасаған. Айта кетрелігі жыл басынан бері барлығы 649 іздеу, сұраулар келіп түскен.
Әлемде болып жатқан жағдайларда еріктілерді бей-жай қалдырмаған. Қала еріктілері Түркиядағы жер сілкінісінен зардап шеккендерге гуманитарлық көмек көрсету жұмыстарын да белсене араласып, 51,5 тоннадан астам гуманитарлық көмек жинап, жөнелткен.
Сонымен қатар, зардап шеккендер мен қанға мұқтаж жандарға көмек көрсету мақсатында осы жылдың наурыз айында «Мен жауапты донормын» атты қан тапсыру науқаны ұйымдастырылды. Акцияға Алматы қаласының жастары, сондай-ақ түрлі қоғамдық және қайырымдылық ұйымдарының өкілдері, журналистер мен қоғам белсенділері қатысқан. Жастар ресурстық орталығында донорларды «Birgemiz:Saulyq» медициналық еріктілері мен «QAMQOR CHARITY» ҚҚ еріктілері қарсы алып, қолдау көрсетті.
Жастар саясаты басқармасы еріктілермен бірлесіп, «Жасыл ел» жобасын жүзеге асыруды жоспарлап отыр. Шара аясында 10 мың қала жастарын жұмыспен қамту көзделуде.